عشان مفيش أحلى من الأكل البيتى، جبنالكم هدية مخصوص للأكيلة عشان الأكل يروح معاك أى مكان!

بنقدملك حافظة الطعام السيليكون، علبة حافظة للطعام مصنوعة من السيليكون الصحى الغذائى عالى الجودة.. ومصممة عشان تتطبق وتتفرد بكل سهولة، وبكده تقدر تاخدها فى شنطتك للشغل أو للجامعة من غير ما تاخد مساحة معاك، ده غير انها حافظة للحرارة والبرودة.. يعنى هتحافظ على الأكل السخن والبارد كمان بنفس درجة الحرارة، عشان تضمن ان أكلك يفضل سخن زى ما بتحبه، وكمان عشان تحافظلك على الحلويات والأكل البارد من غير ما يسخن منك

العلبة مصنوعة بالكامل من السيليكون الغذائى عالى الجودة، وقابلة للاستخدام فى المايكروويف لتسخين الأكل داخلها مباشرة.. وتقدر كمان تستخدمها علبة حفظ طعام للثلاجة عشان تحافظ على الأكل لفترات طويلة، ده غير انها بتتميز بسهولة التنظيف والغسيل.. وكمان قابلة للاستخدام فى غسالة الأطباق بدون أى مشكلة، ده غير شكلها الشيك اللى هيخليك تاخد أكلك فيها وتاكل فى أى مكان بسهولة.. وكمان هتبقى تحفة لو عندك اطفال فى المدرسة عشان ياخدوا معاهم أحلى أكل بيتى

العلبة مصممة بمقاس 21 سنتى فى 15 سنتى بارتفاع 7 سنتى عشان يبقى حجمها مناسب للشنطة ومتاخدش مساحة، ده غير انها مزودة بغطاء محكم الغلق عشان مفيش حاجة تتسرب منها.. وبكده تقدر تاخدها فى الشنطة معاك من غير قلق على أغراضك الشخصية وأوراقك المهمة، والغطاء بيحتوى على كليبسات إضافية عشان تضمن ان العلبة تكون محكمة الغلق وآمنة تماماً.. من هنا ورايح هتستمتع بالأكل البيتى فى أى مكان بكل سهولة مع حافظة الطعام السيليكون

حافظة الطعام السيليكون متوفرة دلوقتى من ديلزينيا بسعر تحفة.. أطلبوها دلوقتى قبل ما الكمية تخلص!!