كلنا بنحب الأنتخة وبنقدرها أوى.. بس مش سهل تلاقى الأدوات المناسبة اللى تساعدك على الأنتخة والرحرحة!

عشان كده جبنالك الترابيزة الذكية متعددة الإستخدامات، الاختراع العبقرى اللى مش هيخليك تحتاج تتحرك من مكانك.. ده لأنها عبارة عن ترابيزة صغيرة كده على قدك تقدر تاخدها ف أى حتة، سطحها واسع وكبييير ينفع للمذاكرة والأكل واللعب والفرجة ع الأفلام ع الموبايل او التابلت وتنفع للشغل على اللاب توب والرسم واستخدامات تانية كتير زى ما تحب، حجمها مناسب ليك ووزنها خفيف جداً عشان تقدر تاخدها معاك لأى مكان براحتك

الترابيزة دى هتستمتع معاها بأحلى وجبة فطار أو عشاء فى السرير.. وتقدر تاكل عليها براحتك وانت بتتفرج على الفيلم أو المسلسل المفضل ليك، وفى المذاكرة والشغل لا يعلى عليها.. لأنك هتقدر تشتغل باللابتوب أو الآيباد عليها بكل سهولة، وكمان تقدر تذاكر وتكتب عليها وانت مرتاح بدون أى تعب.. وعشان الأجهزة اللى بتحتاج شحن، زودنالك الترابيزة بمكان مخصوص عشان الشاحن يدخل منه بسهولة وتقدر توصله فى الجهاز

بس دى مش كل مميزات الترابيزة.. المميز كمان ان الترابيزة دى بتتفتح وتتقفل عشان تقدر تحطها على رجلك او تسندها على الترابيزة الكبيرة او أى سطح تانى بكل سهولة، وتقدر تفتح السنادات بتاعتها وتدخل رجليك بينها لو نايم أو ممدد.. يعنى على السرير، على الكنبة، على الكرسى، فى العربية، نايم، قاعد، واقف، بتتشقلب.. ولا يهمك من ده كله، لأنك من دلوقتى هتعمل اللى يعجبك بالطريقة اللى تعجبك وفى المكان اللى يعجبك كمان

كل المميزات دى وأكتر تقدر تستمتع بيها مع الترابيزة الذكية متعددة الاستخدامات اللى متوفرة دلوقتى من ديلزينيا بسعر تحفة.. أطلبوها دلوقتى قبل ما الكمية تخلص!!